Surat Keur Citra Resmi
Wilujeng angkat, jungjunan
Sanajan matak tibelat, duh raheut
Taya daya kapaksa urang paanggang
Kamari anjeun ngageuri
Kamari anjeun ngageuri
Basa urang patepung pikeun panungtung
Harita purnama midang geuning
Tapi ati bati peteng
Rumasa kula taya pangawasa
teu wasa ngalaga jeung sri baduga
taya daya ngayonan sang gajah mada
Wilujeng angkat, Jungjunan
Wilujeng angkat, Jungjunan
Kula langgeng dina gering ngalanglayung
Kenging Godi Suwarna
Kenging Godi Suwarna
Surat keur Sribaduga
Bet ku tega anjeun maksa bulan kuring
Diboyong rek ditumbalkeun
Naha anjeun bet haripeut
Gasik unggeuk padahal sakadar leungit ?
Ah, gening anjeun atah rampa
Kagembang patamorgana
Kahayang undak darajat
Teu hariwang kumaha mun meunang wirang
Pileuleuyan raja taya wiwaha
Murah temen harga nu nilar nagara
Kenging Godi Suwarna
Dicutat tina Wirahma Sajak-Panganteur Apresiasi Sajak Sunda 1985
Labels:
Sajak Sunda
